No Ania ti Ibaga Maipapan Kadagiti Magasin

Ti Pagwanawanan Okt. 15

“Adu dagiti banag a desisionantayo ti addaan iti dakkel nga epekto iti biagtayo. Ania ti makatulong kadatayo tapno ditay makaaramid kadagiti di umiso a desision? [Palubosanyo a sumungbat. Sa basaenyo ti Proverbio 3:6.] Ibinsabinsa daytoy a ruar Ti Pagwanawanan ti lima a naibatay-Biblia a balakad a makatulong kadatayo a mangaramid kadagiti umiso a desision.”

Agriingkayo! Okt. 22

“Diyo kadi madlaw a masansan a makadamagtayo iti maipapan kadagiti mikrobio a di maparmek dagiti agas? [Palubosanyo a sumungbat.] Ilawlawag daytoy a magasin dagiti makagapu iti dayta ken mangted kadagiti singasing no kasanotayo a masalakniban ti bagitayo. Salaysayenna met ti kari ti Biblia maipapan iti lubong nga awanton ti masakit.” Basaenyo ti Isaias 33:24.

Ti Pagwanawanan Nob. 1

“Napadasantay aminen ti naupay gapu iti panangpaay kadatayo ti tao a pagtaltalkantayo. Naisaludsodyo kadin, ‘Adda kadi siasinoman a mabalinko a pagtalkan?’ [Palubosanyo a sumungbat. Sa basaenyo ti Proverbio 3:5.] Ilawlawag daytoy a magasin no apay a makapagtalektayo a naan-anay iti Dios. Salaysayenna met no kasanotay a maammuan no siasino dagiti rumbeng a pagtalkantayo.”

Agriingkayo! Nob. 8

“Dagiti produkto ti petroleo apektaranna ti gistay amin a benneg ti biagtayo. Kasano ngatan no awan dagitoy? [Palubosanyo a sumungbat.] Salaysayen daytoy a magasin no kasano a nagbalin a napateg ti langis iti moderno a lubong. Ilawlawagna met no apay a di rumbeng a madanagantayo a baka dumtengto ti aldaw nga awanen ti langis.”