Saludsod

◼ Ania ti dua a publikasion a masapul nga iyadal kadagiti interesado?

Ti libro nga Isursuro ti Biblia ti kangrunaan nga alikamentayo iti panangirugi ken panangikondukta kadagiti panangyadal iti Biblia. Nupay awan dakesna no sabali a publikasion, kas iti maitutop a tract, ti mausar iti panangirugi iti panangyadal iti Biblia, masapul nga ikagumaantayo nga usaren ti libro nga Isursuro ti Biblia kas kasukat dayta iti kabiitan a panawen. Nakasaysayaat dagiti resulta ti panangusar iti libro nga Isursuro ti Biblia iti panangirugi kadagiti panangyadal.

Apaman a malpas nga iyadal ti libro nga Isursuro ti Biblia ken rumangrang-ayen ti estudiante, ti libro nga Agdayawkayo iti Dios ti sumaruno nga iyadal. (Col. 2:7) Nailawlawag iti panid 2 ti panggep dayta a libro: “Idagadag ti Biblia kadagiti amin nga agayat iti Dios a ‘tarusan ti isipda . . . [ti] kangato ken kauneg’ dagiti agkakapateg a kinapudno. (Efeso 3:18) Tapno maaramid dayta, naisagana daytoy a libro. Namnamaenmi a matulongannakayo daytoy a rumang-ay iti naespirituan ken ad-adda a makabalan a magna iti nailet a dalan nga agturong iti biag iti nalinteg a baro a lubong ti Dios.”

No kualipikadon a mabautisaran ti estudiante sakbay pay a mairingpasna nga adalen ti dua a libro, masapul a maitultuloy ti panagadal agingga a malpasna ti maikadua a libro. Uray no bautisadon ti estudiante, mabalin latta nga ireport dayta ti mangyad-adal kas oras, sarsarungkaran, ken iyad-adalan iti Biblia. Ti agibumbunannag a mangkadua iti mangyad-adal ken makiraman iti panagadal mabalinna met nga ireport dayta kas oras.