“Itukontayo Dagiti Daan a Magasin Wenno Aniaman a Broshur a Paginteresan Dagiti Tattao”

Kadagiti bulan nga itukontayo ti libro nga Isursuro ti Biblia ken ikagumaantayo ti mangirugi iti panangyadal iti damo a pannakisaritatayo iti bumalay, maiparparegta nga “itukontayo dagiti daan a magasin wenno aniaman a broshur a paginteresan dagiti tattao” no ibaga ti bumalay nga addaanen iti kasta a libro ken saanna a kayat ti mayadalan. Apay?

Dagiti broshur ken daan a magasin ket naglaon kadagiti nagduduma ngem naintiempuan a topiko. Mabalin nga adda artikulo kadagita a publikasion a makatukay iti puso ti bumalay. Gapuna, no isaganayo ti bagyo a pangasaba, mangikabilkayo iti sumagmamano a nagduduma a broshur ken daan a magasin. No awanankayo iti daan a magasin, mabalinyo ti mangala idiay magazine counter. Iti kasta, no ibaga ti bumalay nga addaanen iti libro nga Isursuro ti Biblia ken saanna a kayat ti mayadalan iti Biblia, mabalinyo nga ipakita kenkuana ti sumagmamano a magasin wenno broshur sa pagpilienyo no ania kadagita ti paginteresanna. Kalpasanna, pagtulaganyo no kaanokayo nga agsubli tapno parayrayenyo ti interesna. Nalabit kayatnanto met laeng ti agadal iti Biblia.