Laglagipenyo nga Usaren Dagiti Broshur
No mangasabakayo iti balaybalay wenno ti impormal, ti saritaan isut’ masansan nga agturong iti suheto a nasaklaw ti maysa kadagiti makaatrakar a broshurtayo. Maadda koma iti panunot ti tunggal maysa daytoy bayat nga itukon daytoy Ti Pagwanawanan ken Agriingkayo! bayat iti Mayo. Babaen iti kanayon a kaadda kadakayo ti nagduduma a broshur a kadua dagiti magasina a dakamatenyo iti ministerio, nakabalankayo a mangitukon ti uray ania a kasapulan iti epektibo a panangsaksi. Bayat ti Mayo, siwayawayakayo a mangusar iti aniaman kadagitoy a broshur (malaksid ti School a broshur) a kadua wenno imbes a magasina iti itukonyo.—Maidilig iti Proverbio 15:23.