Saludsod

◼ Masapul kadi nga agkararagtayo no mangyadaltayo iti ruangan?

Adu ti pagsayaatanna no luktan ken serraantayo iti kararag ti panangyadaltayo iti Biblia. Babaen ti kararag, kiddawentayo ken Jehova nga ipaayna ti nasantuan nga espirituna iti panagadaltayo. (Luc. 11:13) Ti panagkararag ipaganetgetna met iti iyad-adalantayo ti kinaserioso ti panagadal iti Biblia ken makasursuro met no kasano ti agkararag. (Luc. 6:40) Gapuna, nasayaat no luktantayo iti kararag ti panangyadaltayo iti kabiitan a panawen no posible. Ngem gapu ta agduduma ti kasasaad, ti mangyad-adal masapul a tingitingenna a naimbag no masapul a mangikararag no mangyadal iti ruangan.

Ti maysa a napateg nga ikabilangan ket ti lugar a pakaang-angayan ti panagadal. No manmano ti aglabas, mabalinyo a luktan ken serraan ti panagadal babaen ti ababa a kararag. Ngem no ti panagkararag ket mangawis iti atension ti adu a tattao wenno no alusiisen ti estudiante, mabalin a nasaysayaat no urayenyo a maangay ti panagadalyo iti mas pribado a lugar. Sadinoman ti pangyadalantayo, masapul a panunotentayo a naimbag no kaano nga iruangantayo ti panagkararag.—Kitaenyo ti Abril 2005 a Ti Ministeriotayo iti Pagarian, panid 8.