Presentable Pay Laeng Kadi?

Nagsayaat nga isaludsodtayo dayta maipapan iti aniaman a literatura a planotayo nga ipaima. No kulpi-kulpi, kimmusaw, narugit, wenno adda pigisna ti aniaman a literatura nga ipaimatayo, saan a nasayaat ti impresion nga ipaayna iti organisasiontayo ken mabalin a saan a maapresiar ti bumalay ti nagsayaat ken makaispal-biag a mensahe a linaon ti literatura.

Kasanotayo a mataginayon a presentable dagiti literaturatayo? Adu ti nangibaga a makatulong no urnosenda ti bag-da a pangasaba ket pagtitiponenda dagiti agpapada a literatura. Kas pagarigan, adda pagyanan dagiti libro, sabali met ti benneg a pagyanan dagiti magasin ken broshur, ken adda met benneg a pagyanan dagiti tract, ken dadduma pay. No isublida ti Biblia ken ti aniaman a literatura iti bag-da, an-annadanda tapno saan a maperdi. Adda met dagiti agibumbunannag a mangikabil kadagiti literatura iti folder wenno plastik a bag. Aniaman ti pamay-an a panangurnostayo kadagiti literatura nga ipaimatayo, ti napateg ket saantayo a kayat nga adda makuna dagiti tattao iti ministeriotayo gapu iti panangipaimatayo iti saan a presentable a literatura.—2 Cor. 6:3.