Ti Opisial a Web Site-tayo—Usarenyo iti Ministerioyo
Ibaga Kadagiti Tattao a Luktanda ti Web Site-tayo: Adda dagiti agkedked a makisarita kadatayo wenno saan nga umawat iti literaturatayo ngem kayatda a maammuan ti maipapan kadagiti Saksi ni Jehova babaen ti pananglukatda iti jw.org iti balayda. Gapuna, ibagayo kadagiti sabsabali ti maipapan iti Web site-tayo iti tunggal maitutop a gundaway.
Pangsungbat Kadagiti Saludsod: No dadduma, agsaludsod ti bumalay, interesado a tao, wenno am-ammotayo iti maipapan kadagiti Saksi ni Jehova wenno kadagiti patpatientayo. Ipakitayo a dagus kenkuana ti sungbat babaen ti panangusaryo iti mobile device wenno kompiuter. Masansan a nasaysayaat no basaenyo ti naisitar a teksto iti mismo a Biblia. No awanankayo iti mobile device a makapag-internet, ilawlawagyo iti bumalay no kasanona nga usaren ti jw.org a mangbirok a mismo iti sungbat.—Mapankayo iti “Pannursuro ti Biblia/Sungbat Dagiti Saludsod Maipapan iti Biblia” wenno “Maipapan Kadakami/Masansan a Maisaludsod.”
Mangipatulod iti Artikulo Wenno Publikasion iti Am-ammoyo: Mangy-attach-kayo iti nai-download a PDF wenno EPUB iti e-mail. Wenno mangi-download-kayo iti audio version ti publikasion iti CD. Tunggal maikkanyo ti maysa a tao a saan a bautisado iti kompleto nga elektroniko a kopia ti libro, broshur, wenno magasin, mabalinyo nga i-report dayta kas naipaimayo. No mangipatulodkayo iti material, iyam-ammoyo ti bagiyo. Saanyo a gulpien ti material nga ipatulodyo. Saanyo met nga y-upload dayta iti aniaman a sabali nga Internet Web site—Mapankayo iti “Publikasion.”
Ipakita ti Kaudian a Damag Maipapan Kadagiti Saksi ni Jehova: Daytoy ti tumulong kadagiti mayad-adalan iti Biblia ken kadagiti dadduma a sarsarungkaranyo a mangapresiar iti sangalubongan a trabahotayo ken iti Nakristianuan a panagkaykaysatayo. (Sal. 133:1)—Mapankayo iti “News.”
[Diagram iti panid 5]
(Para iti aktual a pannakaurnosna, kitaem ti publikasion)
Padasem
1 Iti “Publikasion,” birokem ti material a kayatmo nga i-download, ken i-click-mo ti kayatmo a pormat.
2 I-click-mo ti “MP3” tapno makitam ti listaan dagiti artikulo. I-click-mo ti paulo ti artikulo a kayatmo nga i-download wenno denggen.
3 Mangpilika iti sabali a lengguahe manipud iti listaan no kayatmo ti agi-download iti publikasion iti dayta a lengguahe.