Usarenyo ti Web Site-tayo iti Ministerio—“Sungbat Dagiti Saludsod Maipapan iti Biblia”

Ti seksion a “Pannursuro ti Biblia” iti jw.org/ilo ket addaan iti benneg a “Sungbat Dagiti Saludsod Maipapan iti Biblia.” No kabesadotayo dagitoy a masansan a maisaludsod ket maysa kadagitoy ti isaludsod ti bumalay, mabalintayo nga ibaga a masarakanna ti sungbat ti Biblia iti Web site-tayo. Mabalin met nga usaren dagitoy a saludsod a pangirugi iti saritaan iti ministerio. Mangpilitayo iti saludsod a paginteresan dagiti tattao iti teritoriatayo, saludsodentayo ti makuna ti bumalay, ken usarentayo ti argumento iti jw.org a mangilawlawag iti sungbat ti Biblia. Kalpasanna, ibaga wenno ipakitatayo kenkuana no nakasarakantayo iti dayta nga impormasion. Ti sabali pay a pamay-an ket ti panangipabasatayo kenkuana a mismo iti sungbat a naikabil iti Web site. Napaliiw ti asawa ti maysa nga agdaldaliasat a manangaywan a nasayaat ti resultana no kastoy ti ibagana: “Pampanunoten ti adu a tattao, ‘Ti Dios kadi ti makimbasol iti panagsagabatayo?’ Kayatyo kadi a maammuan ti sungbat dayta iti uneg laeng ti 51 a segundo?” Kalpasanna, i-play-na ti audio version ti sungbat nga in-download-na iti mobile device-na. Ingudona babaen ti panangipakitana iti kapitulo 11 ti libro nga Isursuro ti Biblia.