Pagtuladan a Presentasion

Panangirugi iti panangyadal iti Biblia iti umuna a Sabado iti Agosto

“Agkarkararag ti dandani amin a tattao. Uray dagiti ateista ket agkararag no adda problemada. Iti panagkunayo, denggen ngata ti Dios ti amin a kararag?” Palubosanyo a sumungbat. Ipakitayo ti likud ti Agosto 1 a Pagwanawanan, ken usigenyo ti material iti babaen ti umuna a saludsod ken uray maysa laeng kadagiti naisitar a teksto. Itukonyo dagiti magasin sa ibagayo nga agsublikayto tapno pagsaritaanyo ti sungbat ti sumaruno a saludsod.

Palagip: Maidemostra daytoy bayat ti taripnong sakbay ti panangasaba iti Agosto 3.

Ti Pagwanawanan Agosto 1

“Sumarsarungkarkami iti apagbiit gapu ta adu ti madandanagan iti panagsaknap ti pornograpia. Ngem adu met ti mangibagbaga nga awan ti pagdaksan ti pornograpia. Ania ti makunayo? [Palubosanyo a sumungbat.] Kinuna ni Jesus a mailasintayo no naimbag ti maysa a banag babaen kadagiti bungana. [Basaen ti Mateo 7:17.] Ilawlawag daytoy a magasin dagiti ibunga ti pornograpia. Mangted pay kadagiti praktikal a tulong no kasano a maisardeng dayta a bisio.”

Agriingkayo! Agosto

“Kayattayo amin ti agbiag iti napaut. Iti panagkunayo, kabaelanto ngata nga ipaay dagiti sientista ti biag nga agnanayon? [Palubosanyo a sumungbat.] Panunotenyo daytoy a makapainteres a kari. [Basaen ti 1 Corinto 15:26.] Ngem kasano nga itungpal daytoy ti Dios—babaen kadagiti sientista wenno iti sabali a pamay-an? Ken apay a lumakay ken mataytayo? Ipakita daytoy a magasin ti sungbat ti Biblia.”