Pagtuladan a Presentasion

Panangirugi iti Panangyadal iti Biblia iti Umuna a Sabado ti Nobiembre

“Sumarsarungkarkami iti apagbiit kadagiti kaarrubami ita nga aldaw. Idi dinamagmi ti maipapan iti namnamada iti masanguanan, adu kadagiti nakasaritami ti nagkuna a ti namnamada ket mapan idiay langit. Kasta met kadi ti namnamayo? [Palubosanyo a sumungbat.] Nakitak a makapainteres unay daytoy nga artikulo. Isaludsodna: ‘Asino ti mapan idiay langit, ken apay?’” Ipakitayo ti makinlikud nga akkub ti Nobiembre 1 a Pagwanawanan ken basaenyo ti material iti umuna a parapo ken ti naisitar a teksto. No interesado, usigenyo ti maikadua a parapo. Itukonyo dagiti magasin, ken ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Nobiembre 1

“Iti panagkunayo, ania ti kangrunaan a kinaulbod a maibagbaga maipapan iti Dios? [Palubosanyo a sumungbat.] Sigun iti Biblia, kayat ti Dios nga isu ket ayaten ken pagtalkan dagiti tattao. [Basaen ti Isaias 41:13.] Ibutaktak daytoy a magasin ti tallo a kadawyan a kinaulbod maipapan iti Dios isu a marigatan ti dadduma nga agbalin a nasinged kenkuana.”

Agriingkayo! Nobiembre

“Sumarsarungkarkami iti apagbiit ta adu ti maseknan a dumakdakesen dagiti moral a prinsipio. Panagkunayo, bimmaba kadin dagiti moral a pagalagadan ti kagimongan? [Palubosanyo a sumungbat.] Impakpakauna ti Biblia nga agbalbaliw dagiti ugali ken kababalin ti tattao. [Basaen ti 2 Timoteo 3:1-5.] Ilawlawag daytoy a magasin no apay a mapagtalkantayo dagiti moral a prinsipio a masarakan iti Biblia.”