Pagtuladan a Presentasion

Kingdom News No. 38

“Makiramramanak iti kampania a maar-aramid iti intero a lubong. Iwarwarasmi daytoy a napateg a mensahe. Daytoy ti kopiayo.”

Palagip: Ababa laeng ti presentasionyo tapno mawanasyo ti teritoriayo. Ngem no dadduma, adda dagiti bumalay a mangipakita iti interes ket kayatda pay ti makisarita. No kasta, mabalinyo a damagen ti opinionna iti saludsod iti akkub, ibasayo ti sungbat ti Biblia nga adda iti tract sa pagsaritaanyo ti maysa a paset ti linaonna, no ipalubos ti oras. Sakbay nga agpakadakayo, ipakitayo ti saludsod iti “Panunotem” nga adda iti likud sa agtulagkayo no kaanokayo nga agsubli tapno pagsaritaanyo dayta.

Ti Pagwanawanan Enero 1

“Sumarsarungkarkami iti apagbiit ta kayatmi ti makisarita maipapan iti banag a mangapektar kadatayo amin—ti ipapatay ti ing-ingungotentayo. Umanamongkayo kadi a ti ipapatay ti maysa nga ipatpategtayo a gayyem wenno kabagian ket maysa kadagiti kasasaeman a pagteng iti biag? [Palubosanyo a sumungbat.] Adu ti naliwliwa iti daytoy a teksto iti Biblia. [Basaen ti Isaias 25:8.] Ilawlawag daytoy a magasin ti makapabileg a kari ti Biblia nga awanton ti patay ken mapagungarto dagiti ipatpategtayo iti biag.”

Agriingkayo! Enero

“Mapalpaliiwyo kadi nga adu ti problema dagiti pamilia ita? [Palubosanyo a sumungbat.] Daytoy a sasao iti Biblia ibagana no ania ti rumbeng a maadda iti pamilia tapno tumibker ti sangakabbalayanda. [Basaen ti Proverbio 24:3.] Napaneknekan ti adu a ti Biblia ket gubuayan ti sirib. Ilawlawag daytoy a magasin ti maipapan iti naisangsangayan ken naibatay iti Biblia a Web site nga addaan kadagiti libre a feature a makatulong kadagiti pamilia.”