Pagtuladan a Presentasion

Panangirugi iti Panangyadal iti Biblia iti Umuna a Sabado ti Mayo

“Sumarsarungkarkami iti apagbiit ta kayatmi ti makisarita maipapan iti makapainteres a saludsod. [Ipakitayo ti umuna a saludsod iti likud ti Mayo 1 a Pagwanawanan.] Ania ti makunayo?” Palubosanyo a sumungbat. Usigenyo ti material iti babaen ti saludsod ken ti uray maysa laeng kadagiti naisitar a teksto. Itukonyo dagiti magasin, ken ibagayo nga agsublikayto tapno pagsaritaanyo ti sumaganad a saludsod.

Ti Pagwanawanan Mayo 1

“Sumarsarungkarkami iti apagbiit gapu ta kayat a maammuan ti adu a tattao no ania ti mapasamak iti masanguanan. Ania ti riknayo no mapanunotyo ti masanguanan? Madanagankayo kadi wenno saan? [Palubosanyo a sumungbat sa basaenyo ti maysa kadagiti teksto iti kahon a “No Ania ti Impakaammo ti Dios Maipapan iti Masanguanan.”] Ilawlawag daytoy a magasin ti sumagmamano kadagiti kinuna ti Dios a mapasamak ken no apay a masiguradotayo a matungpalto dagita.”

Agriingkayo! Mayo

“Sumarsarungkarkami iti apagbiit ta kayatmi a tulongan dagiti tattao a mangkontrol iti stress. Iti panagkunayo, nakarkaro kadi ti stress dagiti tattao ita no idilig iti napalabas? [Palubosanyo a sumungbat.] Napaneknekan ti adu a makatulong dagiti praktikal a balakad iti Biblia a mangkontrol iti stress. Daytoy ti maysa a pagarigan. [Basaenyo ti Mateo 6:34.] Ilawlawag daytoy a magasin no kasano a makatulong dagiti prinsipio iti Biblia tapno makontroltayo dagiti uppat a gagangay a pakaigapuan ti stress.”

Palagip: Daytoy a ruar ket mabalin a paginteresan dagiti negosiante.