Pagtuladan a Presentasion

Panangirugi iti panangyadal iti Biblia iti umuna a Sabado ti Pebrero

“Nagduduma ti opinion dagiti tattao maipapan iti Biblia. Adda dagiti mamati a Sao ti Dios dayta. Para kadagiti dadduma, maysa laeng dayta nga ordinario a libro. Ania ti makunayo maipapan iti Biblia?” Palubosanyo a sumungbat. Ipakitayo ti makinlikud nga akkub ti Pebrero 1 a Pagwanawanan, ken usigenyo ti material iti babaen ti umuna a saludsod ken ti uray maysa laeng kadagiti naisitar a teksto. Itukonyo dagiti magasin, ken ibagayo nga agsublikayto tapno pagsaritaanyo ti sumaganad a saludsod.

Ti Pagwanawanan Pebrero 1

“Kayat a makita ti kaaduan a tattao ti panagpatingga ti gubat. Iti panagkunayo, matungpalto ngata ti ar-arapaapenda a sangalubongan a talna? [Palubosanyo a sumungbat.] Imutektekanyo ti kari ti Biblia. [Basaenyo ti Salmo 46:9.] Kinapudnona, dagiti pasamak kabayatan ti Umuna a Sangalubongan a Gubat ken kalpasanna ipatalgedna kadatayo nga asidegen a tungpalen ti Dios daytoy a padto ket pagpatinggaennanton ti gubat iti agnanayon. Ilawlawag daytoy a magasin ti maipapan iti dayta.”

Agriingkayo! Pebrero

“Sumarsarungkarkami ta kayatmi ti makisarita iti apagbiit maipapan iti maysa a gagangay a problema. Agparang a kasla kurang ti panawentayo a mangaramid kadagiti bambanag. Iti panagkunayo, kurang kadi ti panawentayo gapu ta nakaad-adu ti aramidentayo wenno gapu ta adu unay a tiempo ti masaysayangtayo? [Palubosanyo a sumungbat.] Ammoyo, naglaon ti Biblia kadagiti praktikal a balakad a makatulong kadatayo a mangusar a nasayaat iti tiempotayo. Adtoy ti maysa a pagarigan. [Basaenyo ti Filipos 1:10a.] Ipakita daytoy a magasin ti uppat a pamay-an a nakatulong iti adu a mangusar a nainsiriban iti tiempoda.”