Pagtuladan a Presentasion

Panangirugi iti panangyadal iti Biblia iti umuna a Sabado iti Pebrero

“Adu ti agkuna a ti Diablo ti makagapu iti amin a kinadakes ditoy lubong. Ngem pampanunotenda: ‘Nagtaudan ngata ti Diablo? Pinarsua kadi ti Dios?’ Ania ti makunayo? [Palubosanyo a sumungbat.] Panunotenyo ti mabasatayo ditoy.” Ipakitayo ti artikulo iti makinlikud nga akkub ti Pebrero 1 a Pagwanawanan, ken usigenyo ti umuna a parapo ken ti naisitar a teksto. Ipaimayo dagiti magasin, sa ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Pebrero 1

“Kayatmi a maammuan ti opinionyo maipapan iti maysa a tao a raraemen unay dagiti Kristiano, Judio, ken Muslim. Daytoy a tao ket ni Moises. Ania ti umuna a mapanunotyo no mangngegyo ti naganna? [Palubosanyo a sumungbat.] Nupay nakaaramid kadagiti kamali, makapainteres ti panangdeskribir ti Biblia ken ni Moises. [Basaenyo ti Deuteronomio 34:10-12.] Ilawlawag daytoy a magasin dagiti tallo a nasayaat a kualidad ni Moises ken no kasanotayo a matulad.”

Agriingkayo! Pebrero

“Adu a tattao ita ti mapmapan iti sabali a pagilian bareng sumayaat ti biagda. Iti panagkunayo, naballigida ngata? [Palubosanyo a sumungbat.] Gagangay itan ti agabrod. Panunotenyo daytoy a pagarigan manipud iti umuna a libro iti Biblia. [Basaenyo ti Genesis 46:5, 6.] Ilawlawag daytoy a magasin ti sungbat dagitoy a saludsod.” Ipakitayo iti bumalay dagiti saludsod iti ngudo iti panid 6.