Pagtuladan a Presentasion

Panangirugi iti Panangyadal iti Biblia iti Umuna a Sabado iti Pebrero

“Iti panagkunayo, adda kadi organisasion ti Dios ita, wenno makilanglangen laeng kadagiti indibidual? [Palubosanyo a sumungbat.] Imutektekanyo no ania ti kuna daytoy a magasin maipapan kadagiti tattao nga inorganisar ti Dios adu a tawenen ti napalabas.” Ukagenyo ti panid 16 ti Pebrero 1 a ruar Ti Pagwanawanan, sa usigenyo ti material iti babaen ti umuna a subtitulo ken ti maysa kadagiti naisitar a teksto. Itukonyo dagiti magasin ken ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Pebrero 1

“Kadagiti kallabes a tawen, ti Armagedon ti kaaduan a mapagsasaritaan. Iti panagkunayo, adda kadi maaramidan ti tao tapno saan a dumteng ti Armagedon? [Palubosanyo a sumungbat.] Daytoy ti nakaadawan ti sao nga ‘Armagedon.’ [Basaenyo ti Apocalipsis 16:16 sa ipakitayo ti akkub ti magasin.] Ipakita daytoy a magasin ti sungbat ti Biblia kadagitoy a saludsod.”

Agriingkayo! Pebrero

Adu ita ti maay-ayatan a makikomunikar babaen ti Internet. Iti panagkunayo, adda ngata pagdaksan ti kastoy a kita ti komunikasion? [Palubosanyo a sumungbat.] Naglaon ti Biblia kadagiti prinsipio a makatulong kadatayo nga agbalin a nataltalged no agusartayo iti Internet. [Ukagenyo ti panid 6-9 sa pagsaritaanyo ti maysa kadagiti saludsod ken ti naisitar a teksto.] Makatulong kadakayo daytoy a magasin a mangilasin ken mangliklik kadagiti peggad a kakuyog ti pannakikomunikar babaen ti Internet.”