Agosto—Naisangsangayan a Bulan Para iti Aktibidad! Maiwaras ti Baro a Tract iti Intero a Lubong
1. Bayat nga umas-asideg ti maika-100 nga anibersario ti Pagarian, ania nga espesial a kampania ti maaramid iti intero a lubong?
1 Bayat nga umas-asideg ti maika-100 nga anibersario ti pannakaipasngay ti Pagarian ti Dios, maitutop la unay nga idaydayawtayo ni Jehova babaen ti espesial a kampania! Bayat ti Agosto, makiramantayo iti sangalubongan a panangiwaras iti baro a tract a napauluan, Pakasarakantayo Kadagiti Sungbat iti Napapateg a Saludsod iti Biag? Daytoy a tract paregtaenna ti agbasbasa a mangkita iti sungbat iti Biblia ken ilawlawagna no kasano a makatulong ti jw.org.
2. Kasanotayo a makaipaay iti “natbag a dir-i iti panangidaydayaw ken Jehova” bayat ti Agosto?
2 Natbag a Dir-i ti Panagdaydayaw: Tapno matulongan dagiti agibumbunannag a mangpalawa iti ministerioda, adda naaramid nga espesial a probision para iti siasinoman a mayat nga ag-auxiliary pioneer iti Agosto. Kabayatan dayta a bulan, mabalin nga ag-auxiliary pioneer dagiti bautisado nga agibumbunannag uray 30 nga oras laeng ti ragpatenda. Yantangay lima ti Biernes, Sabado, ken Domingo iti Agosto, makapag-auxiliary pioneer ti adu nga agibumbunannag nga agtrabtrabaho wenno ages-eskuela iti lawasna. No adda anakmo wenno iyad-adalam iti Biblia a narang-ay iti naespirituan ket kayatnan ti agbalin nga agibumbunannag, makisaritaka a dagus iti koordineytor ti bagi dagiti panglakayen. Maparegtada la ketdi a makiraman kadatayo kas agibumbunannag iti daytoy nga espesial a bulan! Nupay adu a regular pioneer ti agbakbakasion iti Agosto kalpasan a maragpatda ti tinawen a maikalikagum nga oras, mabalin a baliwanda ti eskediulda tapno naan-anay a makiramanda iti daytoy nga espesial a kampania. Itan ti panawen a pagsasaritaan ti pamilia no kasanoda a makaipaay iti “natbag a dir-i iti panangidaydayaw ken Jehova” bayat ti Agosto.—Esd. 3:11; Prov. 15:22.
3. Ania ti manamnamatayo iti daytoy nga espesial a kampania?
3 Nupay napadpadasantayon ti nakiraman iti umasping nga espesial a kampania, manamnamatayo a naisangsangayan daytoy. Kabaelantayo kadi ti mangragpat iti baro a kangatuan a bilang ti oras, agibumbunannag, ken auxiliary pioneer iti Agosto? Bayat nga agngudo ti 2014 a tawen serbisio, sapay koma ta bendisionan ni Jehova ti panangikagumaan ti ilina iti intero a daga a mangaramid iti Agosto a kasasaknapan pay laeng a bulan ti panangasaba!—Mat. 24:14.