Ti Panangtaginayon iti Simple a Biag Tulongannatayo a Mangidaydayaw iti Dios

Alisto laeng nga agbalin a komplikado ti biagtayo ita gapu iti adu a banag. Kasapulan ti tiempo ken pigsa nga aggatang, agbayad, agusar, agmantener, ken mangprotektar kadagiti sanikua. Nagbiag a simple ni Jesus tapno saan nga agawen dagiti material a bambanag ti atensionna iti ministeriona.—Mt 8:20.

Kasanoyo a mapasimple ti biagyo tapno ad-adu ti maaramidanyo iti ministerio? Makapagpayunir kadi ti uray maysa iti pamiliayo babaen iti panangaramid iti sumagmamano a panagbalbaliw? Uray no agserserbikayo ita iti amin-tiempo, in-inut kadin a nagbalin a komplikado ti biagyo gapu kadagiti material a bambanag? No simple ti biagtayo nga agserserbi ken Jehova, naragsak ken makapnek ti biagtayo.—1Ti 6:7-9.

Isuratmo dagiti aramidem tapno mapasimplem ti biagmo.