Panangparang-ay iti Abilidadtayo iti Ministerio​—Panangusar iti JW.ORG

NO APAY A NAPATEG: Dagiti publikasion iti Toolbox iti Panangisuro ket mangiturong iti jw.org. Kinapudnona, ti kangrunaan nga usar ti contact card ken ti tract a Pakasarakantayo Kadagiti Sungbat iti Napapateg a Saludsod iti Biag? ket tapno maiturong dagiti tattao iti website-tayo. Mabalinmo nga ipaima dagiti publikasion iti Toolbox iti Panangisuro babaen ti panangusar iti jw.org a mangi-e-mail iti elektroniko a kopia wenno mangi-share iti link. Makatulong daytoy nangruna no adda makasaritatayo a sabali ti lengguahena. Mabalin nga adda met saludsod dagiti tattao a saan a makita ti sungbat kadagiti publikasion iti Toolbox iti Panangisuro. No usarentayo ti website, agbalintayo a mas epektibo iti ministerio.

NO KASANO NGA ARAMIDEN:

• 

  Usaren ti tab a “PANNURSURO TI BIBLIA.” Ipapanmo a kaskasabaam ti maysa a nagannak nga agbirbirok iti ad-adu pay nga impormasion maipapan iti panangpadakkel iti anak. Mapanka iti PANNURSURO TI BIBLIA > PANAGASAWA KEN PAMILIA.

• Usaren ti tab a “PUBLIKASION.” Ipapanmo a mangaskasabaka iti di pormal iti eskuelaan ket kayatmo nga iranud iti kaeskuelaam ti broshur a Sungbat iti 10 a Saludsod Dagiti Agtutubo. Mapanka iti PUBLIKASION > LIBRO KEN BROSHUR.

• Usaren ti tab a “MAIPAPAN KADAKAMI.” Ipapanmo a kaskasabaam ti katrabahuam a mayat a mangammo iti ababa a pannakailawlawag dagiti patpatientayo. Mapanka iti MAIPAPAN KADAKAMI > MASANSAN A MAISALSALUDSOD.

BUYAEM TI VIDEO A PANANGUSAR ITI JW.ORG, SA KITAEM NO ANIA TI LUKTAM ITI WEBSITE TAPNO MATULONGAM TI:

• maysa nga ateista

• nabiit pay a nakapasar iti trahedia

• di aktibo a kabsat

• sarsarungkaram a kayatna a maammuan no kasano a masupsuportaran ti trabahotayo

• maysa a tao a naggapu iti sabali a pagilian a kayatna ti makigimong inton makaawid iti lugarda