Maawatam Kadi ti Di Makita a Kualidad ti Dios?

No makitam ti namaris a sabong, nabituen a rabii, wenno ti dumaranudor a dissuor, makitam kadi ti aramid ti Namarsua? Nalawag nga ipakita ti sangaparsuaan dagiti di makita a kualidad ni Jehova. (Ro 1:20) No utobentayo dagiti makitkitatayo, maawatantayo ti pannakabalin, ayat, sirib, ken hustisia ti Dios, kasta met ti kinaparaburna.​—Sal 104:24.

Ania ti sumagmamano kadagiti parsua ni Jehova a mapalpaliiwmo iti inaldaw? Uray no agnanaedka iti siudad, mabalin a makakitaka kadagiti billit wenno kayo. Makatulong ti panangpaliiw a naimbag kadagiti parsua ni Jehova tapno makissayan dagiti pakaringgorantayo, saantayo unay a mapanunot dagiti problematayo, ken umuneg ti pammatitayo iti abilidad ni Jehova a mangaywan kadatayo iti agnanayon. (Mt 6:25-32) No adda annakmo, tulongam ida a mangtarus kadagiti awan kapadana a kualidad ni Jehova. Bayat nga umun-uneg ti apresasiontayo kadagiti parsua iti aglawlawtayo, ad-adda a sumingedtayo iti Namarsua.​—Sal 8:3, 4.

BUYAEN TI VIDEO A DAGITI NAKASKASDAAW A PARSUA IPALGAKDA TI DAYAG TI DIOS​—LAWAG KEN KOLOR, SA SUNGBATAN DAGITOY A SALUDSOD:

• Apay a makakitatayo kadagiti kolor?

• Apay nga adda dagiti kolor nga agbaliw depende iti anggulo a kitkitaem?

• Apay a makakitkitatayo iti nagduduma a kolor idiay langit?

• Ania dagiti makapainteres a kolor a makitkitam iti asideg ti pagtaenganyo?

• Apay a masapul nga iwayaantayo a paliiwen a naimbag dagiti parsua?