Ragpaten ti Nadiosan nga Edukasion

NO APAY A NAPATEG: Ti Naindaklan nga Instruktor a ni Jehova iyaw-awisna ti kasayaatan nga edukasion. Isursurona no kasano a mapasayaat ti biagtayo ken isagsagananatayo para iti nagsayaat a masakbayan. Amin dagita ket libre! (Isa 11:6-9; 30:20, 21; Apo 22:17) Babaen ti nadiosan nga edukasion, sansanayennatayo met ni Jehova no kasano nga ipakaammo ti mensahe a mangispal iti biag.​—2Co 3:5.

NO KASANO NGA ARAMIDEN:

• Parang-ayem ti kualidad a kinapakumbaba ken kinaemma.​—Sal 25:8, 9

• Awatem dagiti mabalinmo a magun-odan ita a pannakasanay, kas iti panagpaset kas estudiante iti gimong iti tengnga ti lawas

• Mangikeddengka kadagiti naespirituan a kalat.​—Fil 3:13

• Agsakripisioka tapno makualipikarka iti ad-adu pay a pannakasanay.​—Fil 3:8

BUYAEN TI VIDEO A BIMMAKNANG ITI NAESPIRITUAN GAPU ITI PANNURSURO NI JEHOVA SA SUNGBATAN DAGITOY A SALUDSOD:

• Ania dagiti lapped a napagballigian ti dadduma tapno makapageskuelada iti School for Kingdom Evangelizers?

• Ania a pannakasanay ti ipapaay ti School for Kingdom Evangelizers?

• Ania ti inaramid dagiti kakabsat tapno matulonganda dagiti nagturpos iti SKE iti baro nga assignment-da?

• Ania dagiti kualipikasion tapno makapageskuela ti maysa iti School for Kingdom Evangelizers? (kr 189)

• Ania pay a pannakasanay ti mabalinmo a ragpaten iti organisasion ni Jehova?