Kayatmo Kadi ti Agaplay iti School for Kingdom Evangelizers?

Addaka kadi iti edad a 23 agingga iti 65 ken agserserbika iti amin-tiempo? Nasalun-atka kadi ken kayam ti agserbi iti lugar a dakkel ti panagkasapulanna? No wen ti sungbatmo kadagita, napanunotmo kadin ti agaplay iti School for Kingdom Evangelizers? Manipud idi nangrugi daytoy nga eskuelaan, rinibun ti nagaplay nga agassawa, babbaro, ken babbalasang a kakabsat. Ngem kasapulan pay iti ad-adu a kakabsat a lallaki nga awanan asawa nga agaplay. Ikararagmo ken Jehova a rubrobanna ti tarigagaymo a mangay-ayo kenkuana ken mangtulad iti Anakna. (Sal 40:8; Mt 20:28; Heb 10:7) Kalpasanna, panunotem no kasanom a kissayan dagiti sekular wenno personal nga obligasionmo tapno makualipikarka.

Ania a kita ti panagserbi ti nakalukat para kadagiti naggraduar iti daytoy nga eskuelaan? Dadduma a naggraduar ti naibaon kadagiti lugar a sabali ti lengguaheda wenno naibaonda a makiraman iti special metropolitan public witnessing. Kalpasan ti sumagmamano a tiempo, dadduma ti nagserbi kas suno a manangaywan iti sirkito, kas manangaywan iti sirkito, wenno misionero. Bayat a pampanunotem no ania pay ti mabalinmo nga aramiden para ken Jehova, mabalin a matuladmo ni Isaias a nangibaga: “Adtoyak! Ibaonnak!”—Isa 6:8.

BUYAEN TI VIDEO A DAGITI MISIONERO—TRABAHADOR A PARAANI, SA SUNGBATAN DAGITOY:

• 

  Kasano a mapili dagiti agserbi kas misionero?

• 

  Ania dagiti nasayaat a maar-aramidan dagiti misionero?

• 

  Ania dagiti bendision a maaw-awat dagiti misionero?