Makikadua Kadagiti Mangay-ayat ken Jehova

Apay a masapul a makikaduatayo kadagiti mangay-ayat ken Jehova? Ngamin, mabalin nga impluensiaandatayo dagiti kakaduatayo nga agaramid iti naimbag wenno dakes. (Pr 13:20) Kas pagarigan, idi nagbalin nga ari, “inar-aramid ni Jehoas ti umiso iti imatang ni Jehova” bayat ti pannakikadkaduana iti Nangato a Padi a ni Jehoiada. (2Cr 24:2) Ngem idi natayen ni Jehoiada, tinallikudan ni Jehoas ni Jehova gapu kadagiti dakes a kakaduana.—2Cr 24:17-19.

Idi umuna a siglo C.E., inyarig ni apostol Pablo ti kongregasion Kristiano iti “dakkel a balay” ken dagiti miembro ti kongregasion kadagiti “alikamen,” wenno dagiti maus-usar iti balay. Agtalinaedtayo nga “alikamen a nadayaw ti pakausaranna” no liklikantayo ti nadekket a pannakikadua iti asinoman, uray kapamiliatayo pay ketdi wenno kakongregasion, a mangar-aramid iti kagura ni Jehova. (2Ti 2:20, 21) Itultuloytayo ngarud ti makigayyem kadagiti mangay-ayat ken Jehova ken mangparegta kadatayo nga agserbi kenkuana.

BUYAEN TI VIDEO A SURSURUEN A LIKLIKAN DAGITI DAKES A KAKADUA SA SUNGBATAN DAGITOY A SALUDSOD:

• Ania ti dadduma a pamay-an a dagiti dakes gayamen ti pakikadkaduaantayo?

• Iti video, ania ti nakatulong iti tallo a Kristiano tapno maisardengda ti makilangen kadagiti dakes a kakadua?

• Ania dagiti prinsipio ti Biblia a makatulong kenka a mangpili a nainsiriban kadagiti pakikaduaam?