Ay-ayaten ni Jehova Dagiti Nadalus a Tattao

“Bugguam dagiti imam. Dalusam ti kuartom. Agwaliska. Ibellengmo ti basura.” Isursuro ti nagannak iti annakda dagiti aramidenda tapno kanayon a nadalusda. Ngem nagtaud iti nasantuan a Diostayo dagiti prinsipio ti kinadalus. (Ex 30:18-20; De 23:14; 2Co 7:1) No pagtalinaedentayo a nadalus ti bagitayo ken ti bambanag nga us-usarentayo, maidaydayawtayo ni Jehova. (1Pe 1:14-16) Ti ngay met balay ken aglawlawtayo? Saan a kas kadagidiay agibelleng ti basura kadagiti kalsada ken parke, ikagkagumaan dagiti Kristiano a pagtalinaeden a nadalus ti daga a pagnanaedanda. (Sal 115:16; Apo 11:18) Makita ti ugalitayo maipapan iti kinadalus uray iti babassit a bambanag, kas iti no kasanotayo nga ibelleng dagiti ukis ti kendi, lata ti softdrinks, wenno bubble gum. Iti amin nga aspeto ti biagtayo, kayattayo nga ‘irekomenda ti bagitayo kas ministro ti Dios.’​—2Co 6:3, 4.

BUYAEN TI VIDEO NGA AY-AYATEN TI DIOS DAGITI NADALUS A TATTAO SA SUNGBATAN DAGITOY:

• Ania dagiti pagpambar ti dadduma a saanda a kanayon nga agdalus?

• Kasano nga impakita ti Mosaiko a Linteg ti panangmatmat ni Jehova iti kinadalus?

• Kasanotayo a maidaydayaw ni Jehova uray awan ti ibagatayo?