Ania ti Maadalmo Kadagiti Orihinal a Kanta?

Ania ti dadduma a paboritom nga orihinal a kanta? Apay? Nadlawmo kadi a dagiti eksena iti video ipakitada dagiti mapaspasamak iti inaldaw a biag? Agduduma ti tema ken estilona isu nga adda kanta a maibagay iti tunggal maysa. Ngem saan la a mangparagsak kadatayo dagiti orihinal a kanta ken music video.

Adda dagiti masursurotayo iti tunggal orihinal a kanta a makatulong iti biag ken ministeriotayo kas Kristiano. Dadduma ket maipapan iti panagpadagus, panagkaykaysa, panaggayyem, tured, ayat, wenno pammati. Adda met ti maipapan iti panagsubli ken Jehova, panangpakawan, panagtalinaed nga awan pakababalawanna, ken panangragpat kadagiti naespirituan a kalat. Adda pay ketdi maipapan iti balanse a panangusar iti selpon. Ania pay dagiti nasursurom kadagiti orihinal a kanta?

BUYAEN TI VIDEO TI ORIHINAL A KANTA A JUST AROUND THE CORNER SA SUNGBATAN DAGITOY:

• Ania dagiti bendision iti masanguanan ti pampanunoten ti nataenganen nga agassawa?—Ge 12:3

• Kasanotayo a mapatibker ti pammatitayo a kabaelan ni Jehova nga aramiden dagiti inkarina?

• Ania dagiti naragsak a panagkakadua manen ti dandanin mapasamak?

• Kasano a makatulong ti namnamatayo iti Pagarian iti panangsangotayo kadagiti agdama a pakasuotan?—Ro 8:25