GAMENG MANIPUD ITI SAO TI DIOS | EXODO 10-11

Naisangsangayan ti Kinatured da Moises ken Aaron

10:3-6, 24-26, 28; 11:4-8

Naisangsangayan ti tured nga impakita da Moises ken Aaron idi nakisaritada ken Faraon, ti kabilgan a tao iti lubong idi a tiempo. Apay a naaramidanda dayta? Kuna ti Biblia maipapan ken Moises: “Gapu iti pammati, pinanawanna ti Egipto, a saan a nagbuteng iti unget ti ari, ta nagtultuloy a natibker a kasla kitkitaenna daydiay Maysa a di makita.” (Heb 11:27) Natibker ti pammati da Moises ken Aaron ken ni Jehova ken nagpannurayda kenkuana.

Ania dagiti situasion a masapul nga agbalinka a natured tapno matakderam ti pammatim iti sanguanan dagiti autoridad?

Dagiti ladawan: Dagiti situasion a masapul a naturedtayo. 1. Ubing a siuulimek a nakatakder bayat nga agsalsaludo iti bandera ti dadduma. 2. Maysa a kabsat iti sanguanan dagiti opisial ti korte. 3. Agtutubo a lalaki a mangipapaima iti tract iti maysa a bumalay bayat a kitkitaen ida ti maysa a polis.