Idaydayawmo ni Jehova kas Payunir

Addaan dagiti Israelita kadagiti naisangsangayan a rason a mangidaydayaw ken Jehova. Inruarna ida iti Egipto ken insalakanna ida iti armada ni Faraon! (Ex 15:1, 2) Agtultuloy nga agar-aramid ni Jehova iti naimbag para iti ilina. Kasanotayo a maipakita ti panagyamantayo?​—Sal 116:12.

Ti maysa a pamay-an ket ti panagserbi kas auxiliary wenno regular pioneer. Ikararagmo a maaddaanka iti tarigagay ken pannakabalin nga agserbi kas payunir. (Fil 2:13) Adu ti nangrugi kas auxiliary pioneer. Iti bulan ti Marso ken Abril ken iti bulan ti ibibisita ti manangaywan iti sirkito, mabalinmo a pilien no 30 wenno 50 nga oras ti busbosem. No mariknam ti ragsak ti panagserbi kas auxiliary pioneer, baka kayatmonton ti agserbi kas regular pioneer. Uray ti dadduma a full-time ti trabahoda wenno adda sakitda nabaelanda ti nagserbi kas regular pioneer. (mwb16.07 8) Maikari la ketdi ni Jehova iti aniaman a panangikagumaantayo a mangidaydayaw kenkuana!​—1Cr 16:25.

BUYAEN TI VIDEO A TALLO NGA AGKAKABSAT IDIAY MONGOLIA SA SUNGBATAN DAGITOY:

• 

  Ania dagiti karit a napagballigian ti tallo nga agkakabsat tapno makapagpayunirda?

• 

  Ania dagiti bendision a natagiragsakda?

• 

  Ania dagiti nailukat a pribilehio gapu ta nag-regular pioneer-da?

• 

  Ania ti epekto ti ulidanda iti sabsabali?