PANAGBIAG KAS KRISTIANO
Agannadkayo Tapno Saankayo a Makaiwaras iti Kinaulbod
Nagalisto ita a maiwaras dagiti impormasion iti minilion a tattao babaen kadagiti nayimprenta a pagbasaan, radio, telebision, ken Internet. Saan a kayat dagiti agdaydayaw iti “Dios ti kinapudno” ti mangiwaras iti ulbod nga impormasion, uray saan nga inggagara. (Sal 31:5; Ex 23:1) Mabalin a makadangran dagiti kinaulbod a maipasa iti sabali a tao. Tapno maammuan no pudno ti maysa nga impormasion, isaludsodmo iti bagim:
‘Mapagtalkan kadi ti naggapuanna?’ Mabalin a saan nga ammo ti agiwarwaras iti estoria ti amin a detalye. Saan a maliklikan a manayonan wenno makissayan dagiti maipasapasa nga estoria, isu nga agannadkayo no saanyo a sigurado ti naggapuan dayta. Maibilang a mapagtalkan a gubuayan ti impormasion dagiti addaan iti pribilehio iti kongregasion isu a masapul a liklikanda ti agiwaras kadagiti saan a mapagtalkan nga impormasion
‘Makadadael kadi dayta iti reputasion?’ No apektaranna ti reputasion ti maysa a tao wenno grupo, nasaysayaat no saanen nga es-estoriaen dayta.—Pr 18:8; Fil 4:8
‘Nakappapati kadi?’ Agannadkayo no makangngegkayo kadagiti nalabes nga estoria ken kapadasan
BUYAEN TI VIDEO A KASANO A MAPASARDENGKO TI TSISMIS? SA SUNGBATAN DAGITOY:
Sigun iti Proverbio 12:18, kasano a makadangran ti sasao?
Kasano a makatulong ti Filipos 2:4 tapno nainsiriban a makapagdesisiontayo no ania ti iyestoriatayo maipapan iti maysa a tao?
Ania ti masapul nga aramidentayo no negatibo wenno sarkastikon ti maibagbaga maipapan iti maysa a tao?
Sakbay nga agestoriatayo maipapan iti dadduma, ania dagiti masapul nga isaludsodtayo?