Espesial a Kampania iti Nobiembre a Mangipakaammo iti Pagarian ti Dios

Impakaammo ni Jesus ‘ti naimbag a damag maipapan iti Pagarian ti Dios.’ (Lu 4:43) Sinuruanna pay dagiti tattao nga ikararagda dayta a Pagarian. (Mt 6:9, 10) Bayat ti Nobiembre, ikagumaantayo nga ipakaammo ti maipapan iti Pagarian ti Dios. (Mt 24:14) Urnosenyo ti eskediulyo tapno masuportaranyo a naan-anay daytoy a kampania. Amin nga auxiliary pioneer mabalinda a pilien no 30 wenno 50 nga oras ti ragpatenda iti daytoy a bulan.

Ikagumaanyo ti mangibasa iti maysa a teksto maipapan iti Pagarian ti Dios iti adu a tattao iti teritoriayo. No mangpilikayo iti teksto, ikabilanganyo ti relihion dagiti makasaritayo. No adda aginteres iti damo a pannakisaritayo, ikkanyo iti kopia ti publiko nga edision Ti Pagwanawanan No. 2 2020. Tapno saan a bumaaw ti interesna, sarungkaranyo a dagus ken ikagumaanyo nga irugi nga iyadalan babaen ti maysa a publikasion iti Toolbox iti Panangisuro. Bassiten ti nabati a tiempo ket dadaelenton ti Pagarian ti Dios ti amin nga autoridad a bumusbusor iti dayta. (Da 2:44; 1Co 15:24, 25) Ikagumaantayo ngarud ti makiraman iti daytoy nga espesial a kampania a mangipakita a supsuportarantayo ni Jehova ken ti Pagarianna!