Ibagam iti Dadduma ti Naimbag a Damag a Dandanin Sumayaat ti Situasion ti Lubong!

Iti Nobiembre, agpokustayo a mangibaga iti naimbag a damag a dandanin sumayaat ti situasion ti lubong. (Sal 37:10, 11; Apo 21:3-5) Iyurnosmo koma ti eskediulmo tapno makaramanka iti intero a kampania. No agaplayka nga auxiliary pioneer iti dayta a bulan, mabalinmo a pilien no 30 wenno 50 nga oras ti abutem.

Ikagumaam koma ti mangibasa iti maysa a teksto maipapan iti baro a lubong iti adu a tattao no posible. No agpilpilika iti maysa a teksto iti Biblia, panunotem no ania ti paginteresan dagiti tattao iti teritoriayo. No interesadon ti nakasaritam iti damo pay laeng a panagsaritayo, ikkam iti kopia ti publiko nga edision Ti Pagwanawanan No. 2 2021. Sa, sarungkaram a dagus no posible ken irugim ti panangyadal iti Biblia iti broshur nga Agbiagka a Naragsak iti Agnanayon! Makaparagsak no kanayon nga idandanonmo ti “naimbag a damag maipapan iti nasaysayaat a banag”!​—Isa 52:7.

BUYAEN TI ORIHINAL A KANTA NGA IDIAY PARAISO, SA SUNGBATAN DAGITOY:

• Ania a nagsayaat a namnama ti im-imadyinen ti ubing?

• Ania dagiti espesipiko a banag a padpadaanam iti baro a lubong?

• Kasano a makatulong no pampanunotem ti namnamam tapno makapagsaganaka a makiraman iti intero a kampania iti Nobiembre?​—Lu 6:45