AGBALIN A MAS EPEKTIBO ITI MINISTERIO | NAYONAM TI RAGSAKMO ITI MINISTERIO
Ipakita ti Empatia
Ti empatia ket ti abilidad a mangtarus iti pampanunot, rikrikna, ugali, ken kasapulan ti sabsabali. Matignaytayo a mangipakita iti empatia gapu ta kayattayo a tulongan ida, ket ammoda no adda empatiatayo kadakuada. No ipakitatayo ti empatia iti ministerio, tultuladentayo ti ayat ken panangipateg ni Jehova, ket dayta ti mangtignay kadagiti tattao a mangam-ammo kenkuana.—Fil 2:4.
Ti empatia ket saan la a basta teknik iti panangisuro; maipakitatayo ti empatia iti pamay-antayo a dumngeg ken agsao, kasta met iti kababalin, panagkompas, ken ekspresion ti rupatayo. Maipariknatayo pay ti empatia no ipakitatayo ti pudpudno nga interes iti dadduma. Ammuentayo dagiti paginteresan, patpatien, ken situasionda. Mangipaaytayo iti praktikal a balakad ken tulong ngem ditay piliten ida nga agbalbaliw. No awatenda ti tulong nga ipaaytayo, manayonan ti ragsaktayo iti ministerio.
BUYAEN TI VIDEO A PADASEM TI RAGSAK NGA IYEG TI PANAGARAMID ITI ADALAN—PARANG-AYEM DAGITI ABILIDADMO—IPAKITA TI EMPATIA, SA SUNGBATAN DAGITOY:
Kasano nga impakita ni Neeta ti empatia idi naladaw ni Jade?
Kasano nga impakita ni Neeta ti empatia idi imbaga ni Jade a mais-stress ken saan a maka-concentrate nga agadal?
Aginteres dagiti tattao a mangam-ammo ken Jehova no ipakitatayo ti empatia
Kasano nga impakita ni Neeta ti empatia idi imbaga ni Jade a saan a talaga nga organisado isuna?