Nalpas ti Nagrigat a Trabaho iti Tulong ti Nasantuan nga Espiritu

Iti pakasaritaan ti ili ti Dios, adu dagiti naaramid a dadakkel a banag saan a gapu iti abilidad ti ilina, no di ket gapu iti tulong ni Jehova. Idi 1954, inruar ti organisasion ni Jehova ti video a The New World Society in Action. Dagiti Bethelite nga awan kapadasanna iti panagaramid iti pelikula ti kangrunaan a nagaramid iti dayta. Nalpas daytoy nagrigat a proyekto babaen laeng ti tulong ti nasantuan nga espiritu ni Jehova. Masiguradotayo met nga agballigitayo a mangaramid iti aniaman a maited kadatayo nga asaynment no agtalektayo ken Jehova.—Zac 4:6.

BUYAEN TI VIDEO A PANANGARAMID ITI “THE NEW WORLD SOCIETY IN ACTION,” SA SUNGBATAN DAGITOY:

• Apay a napagdesisionan a maaramid ti video maipapan iti sangalubongan a hedkuarter?

• Iti video, kasano a naipakita a ti Bethel ket kasla iti bagi ti tao?—1Co 12:14-20

• Ania dagiti pakarigatan a nakaipasanguan dagiti kakabsat idi ar-aramidenda ti video ken kasanoda a napagballigian dagita?

• Ania ti isuro dayta a kapadasan maipapan iti nasantuan nga espiritu ni Jehova?