Dagiti Segundario nga Artikulo Ti Pagwanawanan
Adu a kakabsat ti agus-usar iti JW Library® tapno agsaganada para kadagiti gimong. Ap-apresiarenda met ta naglaka a makitada ti tunggal maadal nga artikulo Ti Pagwanawanan. Ngem iti pagadalan nga edision Ti Pagwanawanan, masansan nga adda dagiti segundario nga artikulo a naglaon iti naespirituan a taraon. No us-usarem ti JW Library, kasanom a makita dagita nga artikulo tapno magunggonaanka?
Iti ngudo ti tunggal maadal nga artikulo Ti Pagwanawanan, adda subheading nga “Additional Reading.” Iti baba dayta a subheading, i-tap-mo ti link nga “Other articles in this issue.” Kitaem ti seksion a “Dagiti Linaonna.” Nalawag a makitam dagiti maadal nga artikulo ta nanumeruan dagita. I-tap-mo ti paulo ti segundario nga artikulo a kayatmo a basaen.
Iti Home tab ti JW Library iti seksion a “What’s New,” i-download-mo ti kabaruan a ruar Ti Pagwanawanan. Luktam ti nai-download-mo a magasin ken kitaem dagiti linaonna tapno masiguradom a magunggonaanka kadagiti amin nga artikulo.