Trabaho Kadi Dagiti Misionero ti Ar-aramidenyo?

Wen. Sadinoman ti pagnanaedanmi, ikagkagumaan amin a Saksi ni Jehova ti maaddaan iti panagpampanunot dagiti misionero. Regular nga iranranudmi ti pammatimi kadagiti tattao a makasaritami.​—Mateo 28:19, 20.

Malaksid iti dayta, adda dagiti Saksi a mapan wenno umakar kadagiti lugar iti mismo a pagilianda nga ayan ti adu a saan pay a makaammo iti naimbag a damag manipud iti Biblia. Umakar met ti dadduma a Saksi iti sabali a pagilian tapno ad-adu ti makasabaanda. Maragsakanda a makipaset iti pannakatungpal ti impadto ni Jesus: “Dakayto dagiti saksik . . . agingga iti kaadaywan a paset ti daga.”​—Aramid 1:8.

Idi 1943, nangipasdekkami iti maysa nga eskuelaan a mangsanay iti dadduma kadagiti misioneromi. Sipud idi, nasuroken a 8,000 a Saksi ti nakaturpos iti daytoy nga eskuelaan a maawagan iti Watchtower Bible School of Gilead.