Panangtungpal iti Ministeriotayo ti Pagarian iti Kongregasion
1 Ni Jehova, baeten ni Kristo Jesus, intalekna ti responsabilidad iti maysa a “matalek a mayordomo,” wenno mangimaton iti balay. (Luc. 12:42, 43) Daytoy nga urnos ti nangaramid a posible kadatayo nga umawat iti naimaldit a mangiturong no ‘kasano ti kababalintayo iti sangakabalayan ti Dios.’ (1 Tim. 3:15) Kasano a ti Watch Tower Publications Index ket tumulong kadatayo a mangsarak iti daydiay nalpasen a naimaldit?
2 Maysakayo kadi a panglakayen? Adda dua a paulo a nangsaklaw iti responsabilidadyo: “Elders” ken “Overseers.” Iti benneg ti “Elders” addaan iti reperensia a tumulong kadagiti nagduduma a kakabsat iti kongregasion, no kasano ti panangbalakad, relasion ti tunggal maysa iti bagi ti panglakayen, rebbengen dagiti panglakayen, kdp. Dagiti reperensia iti kualipikasion isudat’ masarakan iti baba ti “Overseers,” agsipud ta daytoy ti termino nga inusar iti Biblia no lawlawagen dagitoy. Iti baba ti “Overseers” agparang met dagiti opisial a trabahoda, kas iti “mangidaulo a manangaywan,” “manangaywan iti serbisio,” ken “sekretario.”
3 Kadakayo a ministerial nga adipen masarakanyo iti impormasion dagiti kualipikasion ken responsabilidadyo idiay baba ti “Ministerial Servants.” Masarakanyo met dagiti reperensia iti material dagiti pribilehio ti serbisio a nakalukat kadakayo ken no kasanoyo a maragpat dagita a kanayonan a pagrebbengan.
4 Ti napauluan iti “Meetings” itukonna iti kada aspekto ti suheto, agraman dagiti nakaay-ayat nga ehemplo iti sidong ti “efforts to attend.” Siempre, adda met dagiti kangrunaan a paulo iti kada gimong.
5 Ti Salmo 68:11 kunaenna: “Dagiti babbai a mangmangted ti naimbag a damag ket dakkelda a buyot.” Kas iti lallaki a miembro ti kongregasion, dagiti kakabsat a babbai ti masapul met a mangalagad iti umiso a kondukta iti sangakabalayan ti Dios. No dadduma tumaud iti saludsod maipapan iti panagdalungdong ken no ania ti aramiden no adda presente a kabsat a lalaki a makabael a mangidaulo iti gimong ken mangibagi ti kararag iti kongregasion. Idiay paulo a “Women” iturongnakayo iti impormasion maipapan kadagitoy a suheto. Makatulong met dagiti paulo a “Sisters,” “Head Covering,” ken “Prayer.”
6 Agtignaytayo ngarud a sipaparbeng iti sangakabalayan ti Dios, a tungpalen iti ministeriotayo ti Pagarian iti uneg ti kongregasion.