Kasapulak Kadi ti Kanayon a Panangbaliw?

Kada ruar Ti Ministeriotayo iti Pagarian mangted ti nagduduma a panangiparang a mausar no mangasabatayo. Adu nga agibumbunannag ti magagaran a gumun-od kadagiti baro nga ideya ken mangusar iti nagduduma nga idudupag. Ti Ministeriotayo iti Pagarian ti naglaon kadagitoy babaen ti panangabastona kadagiti adu a singasing iti kada bulan.

Nalabit, nupay kasta, a riknaenyo a saan a kasapulan ti kanayon a panangbaliw no ania ti usarenyo. Iti naglabas a tiempo, mabalin a nairuamkayon iti panangiparang a kaay-ayoyo nga usaren, ket nasayaat iti naibungana. Nalabit nga agusarkayo laeng iti maysa wenno dua a teksto, kas iti 2 Pedro 3:13 wenno Apocalipsis 21:4. No kasta, saan a kasapulan a baliwanyo daytoy a masansan iti sabali a banag. Ti kangrunaan a kalattayo isut’ panangiranud iti namnama kadagiti dadduma. No adda baro wenno presko ken makaawis a panangiparang a kayatyo nga usaren ken naimbag ti panangipangagda iti dayta, dikay koma agkedked a mangusar iti dayta.