Kanta 82
Dakkel a Buyot dagiti Babbai
1. Nagbilin mismo ni Jehova.
Babbai a mangasaba
Buklendat’ nagdakkel a buyot;
Sangatauan danonenda.
Masapul parbangon pay laeng,
Rugiandan agtagibalay.
No agplano ken agsakbayda,
Makapagserbidat’ naynay.
2. Iti Dios, ikarkararagtay,
Kakabsattay a babbai.
Adut’ gapuanandat’ serbisio,
Bigbigen daytat’ lallaki.
Adut’ balo, ken babbaketen,
Problemat’ inda sarangten.
Ti gimgimong dida aglangan;
Ibturanda ti tarayen.
3. Tamingentay ida kas inna
Kas assawa ken an-annak.
Makipagrag-oda ti annien,
Pannakaisalakan ti biag.
Maikarit’ buyot ti babbai.
Bannogdat’ magunggonaan.
Makipagrikna kadakuada.
Bilin ti Dios, di nasayang.