Kanta 222

Matmatanyo ti Gunggona!

(2 Corinto 4:18)

1. Inton bulsek makakitan

Ken tultuleng makangngegdan,

’Ton agsabongen ’diay let-ang

Ken agubbog ’diay langalang,

Inton pilay kasla ugsan,

Ken dungdunguen din suminan

—Wen, dagitat’ maragpatan,

No gunggonat’ mamatmatan.

2. Inton umel agkansionen,

Ket lallakaytot’ umubing,

Inton apit wumadwaden

Ken ti imbag din sumardeng,

Inton agkantat’ ub-ubbing,

Narag-on, natalnan amin,

Ken natnatay agungardan,

No gunggonat’ mamatmatan.

3. ’Ton agkakaduan ti lobo,

Kordero, baka ken oso,

Ubington ti mangidalan,

Ket ayabnat’ ipangagdan.

Inton luluat’ maawanen,

Buteng, rigat limmabasen,

Bendision ti Dios makitan,

No gunggonat’ mamatmatan.