Itukon ti Libro a Kinaragsak iti Pamilia Kadagiti Tattao a Nagduduma ti Edadda
1 Inyebkas ti 11-anyos a barito idiay California ti panangapresiarna iti libro a Ti Sekreto ti Kinaragsak iti Pamilia. Insuratna: “Agyamanak iti dayta, ket paregtaek ti dadduma pay a pamilia a basaenda daytoy a libro gapu ta nakasaysayaat. Tumultulong . . . dayta iti pamiliak tapno adda talna ken ragsak iti pagtaenganmi.” Daytoy a kapadasan ti maysa nga agtutubo paregtaennatayo koma a mangitukon iti libro a Kinaragsak iti Pamilia kadagiti tattao a nagduduma ti edadda. Adtoy ti sumagmamano a singasing a nalabit kayatyo a padasen iti ministerioyo iti Pebrero.
2 No agtutubo ti makasaritayo, mabalinyo a kunaen:
◼ Adu ti kasadarmo nga agngayangay nga agasawa. Ngem sadino ti pakasarakam iti mapagtalkan nga impormasion maipapan iti daytoy? [Palubosanyo a sumungbat.] Masansan a kuna dagiti agtutubo a dida masigurado no nakasaganadan nga agasawa. Kayatko nga iburay kenka ti kunaen daytoy a libro maipapan iti dayta.” Iturongyo iti panid 14 ti libro a Kinaragsak iti Pamilia, sa basaenyo ti parapo 3. Kalpasanna ipakitayo ti kada subtitulo iti kapitulo. Itukonyo ti libro, sa iyurnosyo ti panagsubliyo.
3 No nagannak ti makasaritayo, mabalinyo a kunaen:
◼ “Iburburaymi kadagiti nagannak ti sumagmamano a praktikal a giya a talaga nga epektibo iti panangpadakkel kadagiti annak. Nagupgop dagitoy iti daytoy a libro a Ti Sekreto ti Kinaragsak iti Pamilia.” Iturongyo iti panid 55. Basaenyo ti parapo 10, a sarunuen ti Deuteronomio 6:6, 7, iti parapo 11. Sa ipakitayo dagiti nakaitaliko a sasao iti parapo 12 agingga iti 16. Kalpasanna, kunaenyo: “Adun ti natulongan daytoy a libro nga ad-adda a nagballigi kas nagannak. No kayatyo a basaen, maragsakanak a mangibati iti daytoy a kopia babaen ti bassit a kontribusion.”
4 No lakay wenno baket ti makasaritayo, mabalinyo a kunaen:
◼ “Kalpasan a maibasak daytoy ababa a komento, pangngaasiyo ta ibagayo kaniak no aniat’ makunayo.” Ukradenyo ti libro a Kinaragsak iti Pamilia iti panid 169, sa basaenyo ti umuna a dua a sentensia ti parapo 17. Kalpasanna, pagkomentuenyo. Agdepende iti kunaenna, mabalinyo ti mangibasa iti ad-adu pay manipud iti libro sakbay nga itukonyo.
5 No surnadanyo dagiti naipaimaan iti libro a Kinaragsak iti Pamilia, laglagipenyo nga ikagumaan ti mangirugi iti panangyadal iti Biblia. Nalabit mayanatup nga irugi iti leksion 8 ti broshur a Kalikaguman wenno iti kapitulo 15 ti libro a Pannakaammo. Kabayatanna, ikagumaantayo a tulongan dagiti tattao a nagduduma ti edadda tapno makaibangonda iti naragsak a biag ti Nakristianuan a pamilia.