Panagadal iti Broshur nga Agtultuloyka nga Agbantay!
Mangrugi iti lawas ti Mayo 23 agingga iti Hunio 20, 2005, ti broshur nga Agtultuloyka nga Agbantay! ti adalen dagiti kongregasion iti intero a daga iti Panagadal iti Libro ti Kongregasion. Pangngaasiyo ta usarenyo dagiti sumaganad a saludsod iti panagsagana ken panangikondukta iti daytoy a gimong. Bayat ti panagadal, basaenyo ti nakaimprenta a material, ken basaenyo dagiti nadakamat a teksto no ipalubos ti oras.
Lawas ti Mayo 23
◼ Panid 3-4: Ania kadagiti kasasaad a nailista ditoy ti nangnangruna a nakaapektar kadakayo? Ania ti mangipasimudaag kadakayo a saan laeng a basta lokal a pasamak dagitoy a kasasaad?
◼ Panid 5: Ania ti pakakombinsiranyo a pudno a maseknan ti Dios? Ania ti mangipamatmat a talaga nga ikabkabilanganyo ti Dios ken ti ar-aramidenna?
◼ Panid 6-8: Ania ti kuna ti Mateo 24:1-8, 14 maipanggep iti kaipapanan dagiti agdama a kasasaad ditoy lubong? Kas ipakita ti 2 Timoteo 3:1-5, ania a panawen ti pagbibiagantayon? Dagitoy ket maudi nga al-aldaw ti ania? Ania ti pakakombinsiranyo a ti Biblia ket pudno a Sao ti Dios? Ania ti Pagarian nga ikaskasabatayo?
◼ Panid 9-10: Apay a rumbeng a sipapasnek nga utobentayo dagiti inaldaw a pangngeddengtayo ken dagiti ipangpangrunatayo iti biag? (Roma 2:6; Gal. 6:7) Bayat ti panangrepasoyo kadagiti saludsod iti panid 10, ania dagiti teksto a malagipyo a rumbeng a mangimpluensia iti aramidenyo?
Lawas ti Mayo 30
◼ Panid 11: Apay a rumbeng nga utoben ti tunggal maysa kadatayo dagiti saludsod iti daytoy a panid? (1 Cor. 10:12; Efe. 6:10-18) Ania ti ipamatmat ti sungbattayo kadagitoy a saludsod no maipapan iti kapasnek ti panangipangagtayo iti balakad ni Jesus iti Mateo 24:44?
◼ Panid 12-14: Ania ‘ti oras ti panangukom’ a nadakamat iti Apocalipsis 14:6, 7? Ania ti kaipapanan ti ‘panagbuteng iti Dios ken panangidayaw kenkuana’? Ania ti Babilonia a Dakkel, ket anianto ti mapasamak iti dayta? No maipapan iti Babilonia a Dakkel, ania ti masapul nga aramidentayo itan? Ania pay ti ramanen ti naipadto nga oras ti panangukom? Ania ti epektona kadatayo ti ditay pannakaammo iti “aldaw wenno uray ti oras” ti naipadto a panangukom ti Dios? (Mat. 25:13)
◼ Panid 15: Ania ti isyu maipapan iti kinasoberano, ken kasano nga apektaranna ti tunggal maysa kadatayo?
◼ Panid 16-19: Ania ti “baro a langlangit” ken ti “baro a daga”? (2 Ped. 3:13) Siasino ti nangikari kadagitoy? Ania dagiti panagbalbaliw nga iyeg ti baro a langlangit ken baro a daga? Personal kadi a magunggonaantayto kadagita?
Lawas ti Hunio 6
◼ Panid 20-1: Maipapan iti panagtalaw, ania ti impakdaar ni Jesus kadagiti pasurotna idi umuna a siglo? (Luc. 21:20, 21) Kaano a mabalinda ti agtalaw? Apay a masapul a saanda nga itantan ti agtalaw? (Mat. 24:16-18, 21) Apay nga adu ti di mangipangag kadagiti pakdaar? Kasano a nagimbagan dagiti rinibu nga umili iti China ken Pilipinas ti panangipangagda kadagiti mapagtalkan a pakdaar? Apay nga ad-adda a naganat ti panangipangag iti pakdaar ti Biblia maipapan iti panungpalan ti agdama a sistema ti bambanag? Gapu iti kinaganat ti panawen, addaantayo iti ania a responsabilidad? (Prov. 24:11, 12)
◼ Panid 22-3: Idiay Australia idi 1974 ken idiay Colombia idi 1985, apay nga adu ti di nangikankano kadagiti pakdaar maipapan iti idadateng ti didigra, ket ania ti nagbanaganna? No iti biangyo, ipangagyo kadi dagitoy a pakdaar, ken apay? No koma nagbiagtayo idi kaaldawan ni Noe, ania ti mangipakita nga impangagtayo ti pakdaar? Apay a kayat dagiti tattao ti agnaed iti nagkauna a Sodoma ken iti aglawlawna? Kasano a magunggonaantayo iti napasnek a panangutob iti napasamak iti Sodoma?
Lawas ti Hunio 13
◼ Panid 24-7: Usarenyo “Dagiti Saludsod a Mausar iti Panagadal” iti panid 27.
Lawas ti Hunio 20
◼ Panid 28-31: Usarenyo “Dagiti Saludsod a Mausar iti Panagadal” iti panid 31.
Ti panangusigtayo iti broshur tulongannatayo nga ‘agtultuloy nga agbantay’ ken agtalinaed a nakasagana. Sapay koma ta ti ministeriotayo iti publiko kanayon nga iyanninawna ti kinaganetget ti pakdaar ti anghel nga: “Agbutengkayo iti Dios ket idayawyo, agsipud ta dimtengen ti oras ti panangukomna.”—Mat. 24:42, 44; Apoc. 14:7.