Nakasaganakayo Kadi No Adda Medikal nga Emerhensia?
Ditay mapakpakadaan dagiti medikal nga emerhensia. (Sant. 4:14) Gapuna, ti masirib a tao ket masapul a sisasagana aginggat’ mabalin. (Prov. 22:3) Naikeddengyo kadin no ania dagiti kita ti panangagas nga awatenyo ken naisuratyo kadin dagita iti DPA card-yo? Ti video a Transfusion-Alternative Health Care—Meeting Patient Needs and Rights, a maikadua a presentasion iti DVD a napauluan iti Transfusion-Alternatives—Documentary Series, ket nairanta a tumulong kadakayo a mangaramid iti dayta. Bayat ti panagbuyayo, siputanyo ti sungbat dagiti sumaganad a saludsod. Gapu ta naglaon daytoy a video kadagiti ababa nga eksena ti panagopera, masapul a tingitingen dagiti nagannak no ipabuyada dayta kadagiti ubbing pay nga annakda.
(1) Apay a tingtingitingen manen dagiti dadduma a mangngagas ti panangyalison iti dara? (2) Mangted iti tallo a pagarigan ti narikut nga operasion a mabalin a maaramid nga awan ti panangyalison iti dara? (3) Iti intero a lubong, apay a rinibu a doktor ken siruhano ti sidadaan a mangagas kadagiti pasiente nga awan ti panangyalison iti dara? (4) Ania ti impalgak dagiti nabiit pay a surbey kadagiti ospital maipapan iti panagusar iti dara? (5) Ania dagiti peggad iti salun-at a nainaig iti panangyalison iti dara? (6) Ania ti konklusion ti adu nga eksperto maipapan iti pagimbagan dagiti panangagas nga awan ti panangyalison iti dara? (7) Ania dagiti pakaigapuan ti anemia ken ania ti mabalin nga aramiden maipapan iti dayta? (8) Kasano a mapaadu ti nalabaga a selula iti bagi ti pasiente? (9) Ania dagiti pamay-an a maus-usar tapno awan unay ti agsayasay a dara bayat ti operasion? (10) Epektibo kadi kadagiti ubbing wenno kadagiti tattao nga agpegpeggad unayen ti biagda dagiti panangagas nga awan ti panangyalison iti dara? (11) Ania ti maysa kadagiti kangrunaan a nasayaat a prinsipio nga annuroten iti panangaywan iti salun-at?
Yantangay idiktar ti konsiensiayo no awatenyo ti sumagmamano a panangagas a naitampok iti daytoy a video, saanyo nga urayen a maipasangokayo iti emerhensia sayonto la usigen no ania ti awatenyo ken saan. Ti Kapitulo 7 ti libro nga “Ayat ti Dios” ken dagiti naisitar a reperensia agraman ti suplemento ti Enero 2007 a ruar Ti Ministeriotayo iti Pagarian ket makatulong kadakayo a mangaramid iti desision maibatay iti nasursuroyo. Kalpasanna, isuratyo ti desisionyo iti DPA card no bautisadokayon, ken kanayon nga itugotyo dayta.
[Blurb iti panid 3]
Naikeddengyo kadin no ania dagiti kita ti panangagas nga awatenyo ken naisuratyo kadin dagita iti DPA card-yo?