“Dagiti Ideya iti Panangitukon Kadagiti Magasin iti . . .”
Kada bulan, gagangay nga adda paset ti Gimong ti Serbisio maipapan iti panangitukon kadagiti magasin. Ti panggep dayta ket saan a tapno repasuen ti linaon dagiti magasin. Imbes ketdi, nairanta dayta a paset tapno mapagsasaritaan dagiti ideya iti panangitukon kadagiti magasin. Gapuna, sigun kadagiti instruksion, ti agpaset ket mangipaay iti ababa laeng nga introduksion a mangpagagar iti kakabsat a mangitukon kadagiti magasin. Kalpasanna, damagenna dagiti agibumbunannag no ania ti maisingasingda para iti artikulo (wenno serye) a matratar tapno makasurot ti amin ken makaalada iti ideya a kayatda nga usaren. Imbes a paregtaenna ti tallaong a mangipaay iti intero a presentasion, kiddawenna a mangisingasingda kadagiti saludsod a makapainteres iti teritoria. Kalpasanna, damagenna ida no ania a teksto ti maibasa. Sakbay a malpas, paidemostrana no kasano nga itukon ti tunggal magasin. Maparegtatayo a mangbasa a nasaksakbay kadagiti magasin ken mangisagana kadagiti singasingtayo. No ti amin ket nakasagana a naimbag, makatulong kadatayo daytoy a paset a mangpatadem iti rupa ti tunggal maysa.—Prov. 27:17.