Panangparang-ay iti Abilidadtayo iti Ministerio—Panangipasdek iti Pundasion iti Panagsarungkar

No Apay a Napateg: No makasaraktayo iti interesado, kayattayo a sarungkaran bayat ti kaaddana iti pagtaenganna tapno sibugantayo ti bin-i ti kinapudno nga immulatayo. (1 Cor. 3:6) Gapuna, sakbay nga agpakadatayo, mangipasdektayo iti pundasion iti panagsarungkar babaen ti pannakitulag no kaanotayo nga agsubli. Kanayonanna, nasayaat no mangibatitayo iti saludsod a pagsaritaantayo inton sumarungkartayo. No aramidentayo daytoy, segseggaanto ti bumalay ti isasarungkartayo, ket no masungbatan ti saludsod iti publikasion nga ibatitayo, mabalin a magagaranto a mangbasa iti dayta. No mangipasdektayo iti pundasion para iti sumaruno a pannakisaritatayo, nalaklakanto ti agsarungkar ta addan ti topiko a pagsaritaantayo, ken ammon ti bumalay no ania ti ekspektarenna. No sumarungkartayo, mabalintayo nga ibaga a nagsublitayo tapno sungbatantayo ti saludsod nga imbatitayo iti napalabas.