Panangilawlawag iti Patpatientayo Maipapan iti 1914

Iparparegta ti Kasuratan a kanayon koma a ‘sisasaganatayo a mangikalintegan’ kadagiti patpatientayo, “buyogen ti naalumamay a kababalin ken nauneg a panagraem.” (1 Ped. 3:15) Kinapudnona, mabalin a narigat nga ilawlawag dagiti nauneg a kinapudno iti Biblia, kas iti no kasanotayo nga ammo a nangrugi ti panagturay ti Pagarian idi 1914. Makatulong kadatayo ti dua ti pasetna a serye a napauluan iti “Pannakisarita iti Maysa a Kaarruba—Kaano a Nangrugi nga Agturay ti Pagarian ti Dios?” Naikabil dagitoy nga artikulo kadagiti ruar Ti Pagwanawanan nga itukontayo iti Oktubre ken Nobiembre. No basaem dagitoy nga artikulo, usigem dagiti sumaganad a saludsod maipapan iti inaramid ni Cameron, ti agibumbunannag iti eksena.

Kasanona nga . . .

• inusar ti komendasion tapno makaipasdek iti pagtunosanda?—Ara. 17:22.

• impakita ti kinapakumbaba iti panangilawlawagna kadagiti patpatienna?—Ara. 14:15.

Apay a nasayaat a . . .

• sagpaminsan a nangaramid iti sumario sakbay a nangipaay kadagiti kanayonan a punto?

• sagpaminsan a simmardeng tapno saludsodenna no naawatan met laeng ti bumalay ti inlawlawagna?

• saan a nangsaklaw iti adu unay nga impormasion iti maysa laeng a saritaan?—Juan 16:12.

Anian a yamantayo ken ni Jehova, ti ‘Naindaklan a Manangisuro,’ ta sursuruannatayo a mangilawlawag kadagiti nauneg a kinapudno iti Biblia kadagidiay agtarigagay kadagita!—Isa. 30:20.