Panangparang-ay iti Abilidadtayo iti Ministerio—Panangasaba iti Lugar ti Negosio

No Apay a Napateg: Gapu ta napaut ti panagtrabaho ti adu a tattao, masansan a ti kasayaatan a panangidanon kadakuada iti mensahe ti Pagarian ket ti panangasaba kadakuada iti pagtrabahuanda. Makaparagsak ken nabunga ti panangasaba iti lugar ti negosio ta dagidiay saantayo a madanon iti pagtaenganda ket masarakantayo iti pagtrabahuanda ken nadayaw dagiti empleado kadagidiay posible a kostumerda. Tapno agbalin nga epektibo, nakonsiderar koma dagiti agibumbunannag ken mapagwadan ti panagkawkawes ken panaglanglangada. (2 Cor. 6:3) Gapuna, kitaen koma a naimbag ti manangaywan iti serbisio no kasano kasansan a matrabaho dagiti lugar ti negosio ken no siasino dagiti mangasaba kadagita.