Kabaelam ti Mangasaba ken Mangisuro!

Nagduadua ni Moises idi damo no kabaelanna nga itungpal ti annongen nga inted kenkuana ni Jehova. (Ex 4:10, 13) Nariknam met kadin ti kasta? Makipagad-adalka kadi iti Biblia kadagiti Saksi ni Jehova? Pampanunotem kadi no kabaelam ti mangasaba iti binalaybalay? Wenno mabalin a maysaka nga agtutubo a mabuteng a mangasaba iti eskuelaan. Wenno mabutengka a makiraman iti panangasaba babaen ti telepono wenno iti agduduma a pamay-an ti panangasaba iti publiko. Ipakaasim ken Jehova a tulongannaka ti nasantuan nga espirituna. (1Pe 4:11) Agtalekka a matulongannaka a mangaramid iti aniaman nga annongen nga itedna kenka.—Ex 4:11, 12.

BUYAEN TI VIDEO NGA AGBALIN A NATURED . . . AGIBUMBUNANNAG SA SUNGBATAN DAGITOY A SALUDSOD:

• Ania a karit ti nakaipasanguan ni Sister Aoyama?

• Ania ti nakatulong kenkuana nga agbalin a natured?—Jer 20:7-9

• Kasano a nagunggonaan iti panangpalawana iti panagserbina ken Jehova?

• Ania dagiti karit a pakaipaspasanguam iti ministerio ken kasanonaka a matulongan ni Jehova nga agballigi?