Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • g 11/07 p. 3
  • Mapagtalkan Kadi?

Awan video-na ti napilim.

Pasensiakan, adda problema iti pannakai-load ti video.

  • Mapagtalkan Kadi?
  • Agriingkayo!—2007
  • Umasping a Material
  • Ti Panagtalek Napateg iti Naragsak a Biag
    Ti Pagwanawanan Mangibumbunannag iti Pagarian ni Jehova—2003
  • Mapagtalkam Dagiti Kakabsat
    Ti Pagwanawanan Mangibumbunannag iti Pagarian ni Jehova (Pagadalan)—2022
  • Agtalek Wenno Saan
    Agriingkayo!—1996
  • Ti Kumbension a Nangparang-ay ti Talektayo ken ni Jehova
    Ti Pagwanawanan Mangibumbunannag iti Pagarian ni Jehova—1988
Kitaen ti Ad-adu Pay
Agriingkayo!—2007
g 11/07 p. 3

Mapagtalkan Kadi?

“Saanka nga agtalek iti narukop a kayo,” insurat ti Ingles a dramatista a ni William Shakespeare. Kayatmo la ketdi a siguraduen a saan a narukop ti kayo a rangtay sakbay nga agtalaytayka iti dayta.

DAGITA a sasao ni Shakespeare ket maitunos iti kinuna ti masirib nga ari iti nagkauna nga Israel a ni Solomon, a nangisurat agarup 3,000 a tawenen ti napalabas: “Patien ti maag ti amin a mangngegna; annadan ti manakem ti pannagnana.” (Proverbio 14:15, Ti Baro a Naimbag a Damag Biblia) Wen, ti laeng maag ti sibubulsek a mamati iti aniaman a mangngegna, nga ibatayna dagiti pangngeddeng ken tignayna kadagiti mapagduaduaan a balakad wenno sursuro. Pakaisagmakantayo no di umiso ti pagtalkantayo, nga arigna a nagtalaytaytayo iti narukop a kayo. Mabalin a pampanunotem, ‘Adda kadi aniaman a mapagtalkantayo a giya?’

Minilion a tattao iti intero a lubong ti naan-anay nga agtalek iti maysa a nagkauna a libro—ti Nasantuan a Biblia. Agpapaiwanwanda iti daytoy a libro. Agdesisionda maitunos iti balakadna ken agtignayda maitunos kadagiti sursurona. Arigna kadi nga agbatbatay dagita nga indibidual kadagiti narukop a kayo? Ti sungbat iti dayta a saludsod ket agpannuray iti sungbat ti sumaganad a saludsod nga, Addada kadi naimbag a rason nga agtalektayo iti Biblia? Daytoy nga espesial a ruar ti Agriingkayo! usigenna dagiti pammaneknek.

Daytoy a ruar ti Agriingkayo! saanna nga ipilit nga awatenyo ti sumagmamano a narelihiosuan a patpatien wenno kapanunotan. Imbes ketdi, nairanta daytoy a mangidatag kadagiti natalged a pammaneknek a nangkombinsir iti minilion tapno agtalekda iti Biblia. Kalpasan a mabasayo dagiti sumaruno nga artikulo, maikeddengyonto no rumbeng nga agtalekkayo iti Biblia.

Saanyo la koma a basaen ti linaonna. No talaga a ti Biblia ket mapagtalkan a giya nga impaay ti Namarsua, pakagunggonaanyo ken kadagiti ay-ayatenyo no utobenyo dagiti linaonna.

Ngem usigentayo nga umuna ti dadduma kadagiti naisangsangayan a kinapudno maipapan iti Biblia. Awan duadua a naisangsangayan daytoy a libro.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share