MILLO

[nagtaud iti sao a kaipapananna ti “punnuen”].

Ti “balay ti Millo” (“Bet-millo,” AT, JB, NDB, RS) ket mabalin a maysa a sarikedked wenno salindeg ket nalabit isu met laeng “ti torre ti Siquem.” Nalawag a karaman dagiti lallaki iti “balay ti Millo” kadagidiay namagbalin nga ari ken Abimelec. Ti naimpadtuan a sasao ni Jotam nga anak ni Gideon ket dinakamatna ti didigra a dumteng iti “balay ti Millo” iti im-ima ni Abimelec. Natungpal daytoy idi inuram ni Abimelec ti immarko a pagkamangan iti balay ni El-berit a nagbanag iti pannakapukaw amin dagidiay nagkamang sadiay.​—Uk 9:6, 20, 46-49.