ARED-ED

Sangsangkap a sumina ken agarinsaed iti lansad no ti arak ket saan a magargaraw. Iti Kasuratan agparang ti termino iti lima a daras, kankanayon nga iti pangadu a porma (Heb., shema·rimʹ). Kaaduanna nga “aributed” ti panangipatarus iti dayta dagiti managipatarus iti Biblia. Ti panamagtalinaed iti nasayaat nga arak “kadagiti ared-ed” iti mabayag a tiempo tapno naan-anay a mayadi ket mangpalitnaw, mangpaingel, ken mangpalamuyot iti dayta. (Isa 25:6) Iti sabali a bangir, no ti arak saan a nasayaat a busatan gapu iti nababa a kalidad ti ubas ket nabaybay-an nga agbalay kadagiti ared-ed, saan a sumayaat ti raman wenno angotna, kinapudno a tukoyen dagiti mammadto kadagiti pangngarig. (Jer 48:11; Sof 1:12) Kasta met, iti piguratibo a sasao kunaen ti salmista nga “amin dagidiay nadangkes iti daga” mapilitdanto a mangpaatian iti kopa ti unget ni Jehova, nga inumenda dagiti ared-ed ken isuamin, agingga iti kaudian a napait a tedted.​—Sal 75:8; idiligyo ti Eze 23:32-34; kitaenyo ti ARAK KEN NAINGEL NGA INUMEN.