Ayanna ti Dios? — Watchtower ONLINE A LIBRARIA

Ayanna ti Dios?

Setiembre 11, 2001: Iti 8:46 ti agsapa, maysa a komersial nga eroplano ti nangdungpar iti makin-amianan a torre ti World Trade Center idiay New York City. Dayta ti nangrugian ti iraraut dagiti terorista iti nadumaduma a lugar. Iti simmaganad a nasurok a 102 a minuto, agarup 3,000 a tattao ti natay.

Disiembre 26, 2004

Kas resulta ti 9.0 ti kapigsana a ginggined iti Indian Ocean, nagsasaruno a nadawel a dalluyon ti nangdidigra iti 11 a pagilian, agraman ti Africa nga agarup 5,000 a kilometro ti kaadayona. Iti uneg ti maysa nga aldaw, 150,000 a tattao ti natay wenno mapukpukaw, ken nasurok a maysa a milion a tattao ti naawanan iti pagtaengan.

Agosto 1, 2009: Nakalugan iti jet-ski ti 42 anyos a lalaki agraman ti anakna a lalaki nga agtawen iti 5 idi maidungparda iti pantalan. Natay a dagus ti ama. Natay met ti anakna iti simmaganad nga aldaw. “Ninamnamami nga agmilagro ket makalasat ti kasinsinko,” kinuna ti maysa a malmaldaangan a kabagian.

No madamagmo a rimmaut dagiti terorista wenno adda napagteng a kalamidad wenno makapasarka iti trahedia, mapampanunotmo kadi no ammo met laeng ti Dios ti mapaspasamak? Mapampanunotmo kadi a binaybay-annatayo ti Dios? Mangipaay ti Biblia iti makaliwliwa a sungbat, kas makitatayo.

[Picture Credit Lines iti panid 3]

PRAKASH SINGH/AFP/Getty Images