Pagtuladan a Presentasion

Para iti Kampania a Panagiwaras iti Imbitasion iti Memorial

“Iwarwarasmi daytoy nga imbitasion para iti nakapatpateg nga okasion. Inton Abril 3, minilion ti agtataripnongto iti intero a lubong tapno laglagipenda ti ipapatay ni Jesu-Kristo ken dumngegda iti libre a palawag a naibatay iti Biblia maipapan iti no kasano a magunggonaantayo iti ipapatayna. Naikabil iti imbitasion ti oras ken lugar a pakaangayanna iti lugartayo.”

Ti Pagwanawanan Marso 1

“Ti Abril 3 ket anibersario ti ipapatay ni Jesu-Kristo. Agtataripnongto ti dadduma iti lugartayo tapno selebraranda daytoy nga okasion, ngem adda met dagiti mangibagbaga a saan a napateg ti ipapatay ni Jesus. Dakayo ngay? Iti panagkunayo, mabenepisiarantayo ngata iti ipapatay ken panagungar ni Jesus? [Palubosanyo a sumungbat.] Kitaenyo no ania ti kuna ti Sao ti Dios maipapan iti daytoy. [Basaenyo ti 1 Corinto 15:22, 26.] Ilawlawag daytoy a magasin ti maysa a bendision nga itdento ti daton a pangsubbot a naipaay babaen ken Jesus—a dumtengto ti aldaw nga awanton ti matay.”

Agriingkayo! Marso

“Sumarsarungkarkami iti apagbiit tapno ipakitami ti kaudian a ruar ti Agriingkayo! [Ipakitayo ti akkub.] Adda kapanunotan ti tunggal maysa iti daytoy nga umuna a saludsod: ‘Adda kadi Dios?’ Iti panagkunayo, siasino ti addaan iti mas positibo a kapanunotan iti masanguanan—dagidiay mamati iti Dios wenno dagidiay saan a mamati? [Palubosanyo a sumungbat.] Kastoy ti kari ti Dios a mangted iti namnama iti adu a tattao. [Basaenyo ti Salmo 37:10, 11.] Ilawlawag daytoy a magasin ti uppat a rason no apay nga ammuentayo no talaga nga adda Dios.”